Ötən il respublika üzrə əkin sahələri 1662,3 min hektar proqnozlaşdırılsa da, faktiki əkin sahəsi 1624,0 min hektar olmaqla 2021-ci ilə nisbətən 20,5 min hektar az, o cümlədən strateji məhsul olan buğdanın əkin sahəsi 570,3 min hektar proqnozlaşdırılsa da, faktiki əkilən sahə 547,2 min hektar təşkil etməklə 2021-ci ilə nisbətən 25,1 min hektar az olub.

“APA-Economics” xəbər verir ki, bu barədə Hesablama Palatasının "Dövlət auditi jurnalı"nda məlumat əks olunub.

Bununla yanaşı, təqdim olunmuş məlumatlara görə buğdanın məhsuldarlığı 32,9 sentner/ha proqnozlaşdırılsa da, faktiki 31,9 sentner/ha olmaqla 2021-ci illə müqayisədə 1,0 sentner/ha aşağı olub. Arpanın əkin sahəsi 2022-ci ildə 386,3 min hektar olmaqla 2021-ci ilə nisbətən (373,7 min hektar) artsa da, məhsuldarlığı 2022-ci ildə 28,8 sentner/ha olmaqla 2021-ci ildəki göstəriciyə (30,7 sentner/ha) nisbətən aşağı düşüb.